E fenua atea o Rurutu. Mai te tau a uìuì, aita e rāau no te fenua ê atu e ìtehia i reira. Ia tae mai rā te taata, a 1100 matahiti i teie nei,ua tupu ia te tahi faahuru-ê-raa i te natura iho,na roto i te faaōraa mai e teie feiā âpī i te mau rāau tanu âpī e tae noa atu i te mau ànimara âpī mai te taro,te ùru,te meià…Ia tae mai te mau taata no Europa ,ua uta  atoà mai rātou i ta rātou mau māa tanu e tae atoà atu i te mau rāau faaùunaùna. Ua riro rā o vetahi mau rāau ei faaìnoraa i te fenua mai te lantana e tae atu i tetahi mau rāau ê atu… Na te arairaa a te pū hiòpoàraa i òre ai te miconia i tae atu i Rurutu.